راولپنڈی ( پاک ترک نیوز) سپریڈنٹ اڈیالہ جیل نے بانی پی ٹی آئی کی اہلیہ بشری بی بی کو بھی قید تنہائی میں رکھنے کی تردید کر دی ۔
سپرنٹنڈنٹ اڈیالہ جیل کی اہم رپورٹ بھی سامنے آگئی ۔ بشری بی بی کو جیل میں ڈیڑھ سال سے زائد عرصہ گزر گیا ۔جیل حکام نے بانی پی ٹی آئی کی اہلیہ بشری بی بی سے امتیازی یا غیر مساوی سلوک کی بھی تردید کردی۔
سپرنٹنڈنٹ اڈیالہ جیل کا کہنا ہے کہ جیلوں میں قید تنہائی کا نظام تقریباً ختم ہو چکا اب یہ رائج نہیں نا ہی عدالتیں طویل عرصے سے ایسی سزا دے رہی ہیں ۔اڈیالہ جیل میں کوئی بھی قیدی بشمول بشری بی بی کو قید تنہائی میں نہیں رکھا گیا۔
یہ بھی پڑھیں: برف پوش پہاڑوں کے نیچے سرنگ کی تعمیر
ان کا کہنا تھا کہ بشری بی بی کو سزا ہو چکی وہ قانون کے مطابق قید کاٹ رہے ہیں ۔بشری بی بی کے ساتھ دوسرے قیدیوں کی طرح ہی قانونی سلوک کیا جا رہا ہے۔
جیل حکام کے مطابق بشری بی بی کے ساتھ کوئی امتیازی یا غیر مساوی برتاؤ نہیں کیا جا رہا ۔چونکہ بشری بی بی سابق وزیراعظم کی اہلیہ ہیں، اس لیے ان کی سکیورٹی کو مدنظر رکھتے ہوئے کچھ اضافی انتظامات کیے گئے ہیں ۔عام خواتین قیدیوں کو ان کی قید کی جگہ تک رسائی نہیں دی جاتی تاکہ ان کی حفاظت اور سلامتی متاثر نہ ہو۔
سپرنٹنڈنٹ اڈیالہ جیل نے استدعا کی کہ بشری بی بی کی بیٹی کی درخواست بے بنیاد قرار دے کر مسترد کی جائے ۔
