راولپنڈی ( پاک ترک نیوز) بلوچستان کے مختلف علاقوں میں سیکیورٹی فورسز کی جانب سے آپریشن ردالفتنہ 3 کے تحت دہشت گردوں کے خلاف کارروائیاں جاری ہیں۔سیکیورٹی ذرائع کے مطابق ضلع پنجگور اور چاغی میں کارروائیوں کے دوران فتنہ الہندوستان کے 11 دہشت گرد ہلاک کر دیے گئے۔سیکیورٹی ذرائع کا کہنا ہے کہ پنجگور کے علاقے گوارگو میں سیکیورٹی فورسز نے کارروائی کرتے ہوئے 5 دہشت گردوں کو ہلاک کیا، جبکہ ہلاک دہشت گردوں کے قبضے سے بڑی مقدار میں اسلحہ اور گولہ بارود بھی برآمد کیا گیا۔
دوسری جانب ضلع چاغی کے علاقوں امین آباد اور سیاہ چنگ میں بھی دہشت گردوں کے خلاف مؤثر کارروائیاں کی گئیں۔سیکیورٹی ذرائع کے مطابق دونوں علاقوں میں کارروائیوں کے دوران 6 دہشت گرد ہلاک ہوئے، جبکہ ان کے قبضے سے بڑی مقدار میں اسلحہ اور گولہ بارود برآمد کیا گیا۔
یہ بھی پڑھیں: ایرانی وزیر خارجہ کا اسحاق ڈار سے ٹیلی فونک رابطہ
سیکیورٹی فورسز کی جانب سے دہشت گردوں کے خلاف کارروائیاں بدستور جاری ہیں۔ ذرائع کے مطابق کارروائیاں آخری دہشت گرد کے خاتمے تک جاری رہیں گی۔
