پورٹ آف سپین ( پاک ترک نیوز) پاکستان اور ویسٹ انڈیز کے درمیان جاری دو ٹیسٹ میچوں پر مشتمل سیریز کے آخری ٹیسٹ میچ میں پاکستان کی میچ پر گرفت مضبوط ہو گئی ۔
شاہین سیریز برابر کرنے کی پوزیشن میں پہنچ گئے ۔پورٹ آف سپین میں جاری دوسرے ٹیسٹ میچ کے تیسرے دن کے اختتام پر ویسٹ انڈیز نے دوسری اننگز میں 6وکٹوں کے نقصان پر 103رنز کئے ہیں ۔
ویسٹ انڈیز کی جانب سے ہوج 34جبکہ چیز اور چندرپال 17،17رنز بنا کر آئوٹ ہوئے ۔ پاکستان کی جانب سے ساجد نے چار کھلاڑیوں کو آئوٹ کیا ۔
ویسٹ انڈیز کی پاکستان کیخلاف برتری 60رنز ہو گئی ہے ۔ اس سے قبل ویسٹ انڈیز نے دوسرے ٹیسٹ میچ میں ٹاس جیت کر پہلے بیٹنگ کا فیصلہ کیا تھا اور پہلی اننگز میں 344رنز بنائے تھے ۔
پاکستان نے اپنی پہلی اننگز میں عبداللہ شفیق کے 160رنز کی بدولت 387رنز سکور کئے تھے ۔ کپتان بابر اعظم نے 88رنز کی دلکش اننگر کھلی تھی ۔پاکستان کی پہلی اننگز میں ویسٹ انڈیز پر 43رنز کی برتری حاصل کی تھی ۔
یہ بھی پڑھیں: بابراعظم بطور کپتان عمران خان اور مصباح الحق کے اہم ریکارڈ کے قریب پہنچ گئے
ویسٹ انڈیز کی جانب سے جونئیل وارکینز نے 6جبکہ شیمار جوزف نے دو کھلاڑیوں کو آئوٹ کیا ۔
واضح رہے کہ دو میچوں کی سیریز میں میزبان ٹیم ویسٹ انڈیز نے پہلے ہی ایک صفر کی ناقابل شکست برتری حاصل کر ر کھی ہے ۔
