لاہور( پاک ترک نیوز) بابراعظم بطور نے کپتان عمران خان اور مصباح الحق کے اہم ریکارڈ کے قریب پہنچ گئے ۔
ویسٹ انڈیز کیخلاف دوسرے ٹیسٹ میچ میں بابراعظم نے بطور کپتان 150بین الاقوامی میچ میں کپتانی کی اور وہ عمران خان اور مصباح الحق کے بعد پاکستان کی جانب سے بین الاقوامی میچز میں قیادت کرنے والے تیسرے کپتان بن گئے ۔
31 سالہ بابر اعظم حال ہی میں پاکستان کے ٹیسٹ کپتان کے طور پر واپس آئے ہیں اور ویسٹ انڈیز اور انگلینڈ کے دوروں سے قبل شان مسعود کی جگہ سنبھالی ہے۔
بابر اعظم اب تمام فارمیٹس میں مجموعی طور پر 150 بین الاقوامی میچوں میں پاکستان کی قیادت کر چکے ہیں اور اس خصوصی فہرست میں شامل ہو گئے ہیں جس میں عمران خان (187 میچز) سرفہرست ہیں۔ مصباح الحق 151 میچوں کے ساتھ دوسرے نمبر پر ہیں۔
یہ بھی پڑھیں: دوسرا ٹیسٹ :تیسرے روز کے آغاز پر پاکستان کو 78رنز کا خسارہ
یہ دائیں ہاتھ کے بلے باز کپتانی کے دوران فتوحات کے اعتبار سے پاکستان کی تمام طرز کی کرکٹ کی فہرست میں دوسرے نمبر پر بھی ہیں، اور انہوں نے ٹیم کو 84 فتوحات دلائی ہیں۔ صرف عمران خان (89 فتوحات) ان سے آگے ہیں، جبکہ مصباح الحق 77 فتوحات کے ساتھ تیسرے نمبر پر ہیں۔
