لاہور( پاک ترک نیوز) پاکستان کرکٹ ٹیم کادورہ ویسٹ انڈیز اور انگلینڈ ، بائیں ہاتھ کے بیٹر سعود شکیل کی ٹیسٹ اسکواڈ میں شمولیت مشکوک ہو گئی ، مڈل آرڈر بیٹر سعود شکیل کے فٹنس مسائل کے باعث اسکواڈ کا حصہ نہ ہونے کا امکان ہے۔
ذرائع کے مطابق سعود شکیل کی انجری سے ری کوری پر کام کیا جا رہا ہے۔ سعود شکیل کے متبادل کے طور پر کیمپ میں مڈل آرڈر بیٹر کو بلایا جا رہا ہے،انجری مسائل کے باعث سلیکٹرز کو ٹیسٹ اسکواڈ میں مجبورا زیادہ تبدیلیاں کرنا پڑ رہی ہیں۔
ذرائع کے مطابق سعود شکیل سے قبل وکٹ کیپر بیٹر محمد رضوان کے بھی ان فٹ ہونے کی خبر سامنے آئی ہے ۔محمد رضوان کے متبادل کے طور پر روحیل نذیر کو ریڈ بال کیمپ میں شامل کیا گیا۔
یہ بھی پڑھیں: جو ئے روٹ ، کوئی مقابل نہیں دور دورتک
لاہور: ویسٹ انڈیز اور انگلینڈ کے لیے پاکستان ریڈ بال کیمپ جاری ہے ۔ ریڈ بال کیمپ میں کھلاڑی آج ایل سی سی گراونڈ میں سیناریو میچ کھیلیں گے۔
