مکران ( پاک ترک نیوز) مکران ڈویژن کے ضلع تمپ میں سکیورٹی فورسز نے بروقت کارروائی کرتے ہوئے فتنہ الہندوستان کے دہشتگردوں کی جانب سے ڈپٹی کمشنر تمپ کے پروٹیکشن اسکواڈ پر حملے کی کوشش ناکام بنا دی۔سکیورٹی ذرائع کے مطابق دہشتگردوں نے ڈپٹی کمشنر تمپ کی گاڑی کو نشانہ بنا کر پروٹیکشن اسکواڈ کے اہلکاروں کو اغوا کرنے کی کوشش کی، تاہم سیکیورٹی فورسز نے فوری اور بھرپور کارروائی کرتے ہوئے دہشتگردوں کے عزائم خاک میں ملا دیے۔
یہ بھی پڑھیں: تجارت کے فروغ اور کاروباری سرگرمیوں میں آسانی پیدا کرنا اولین ترجیحات ہیں، وزیراعظم
ذرائع کے مطابق سکیورٹی فورسز کی مؤثر کارروائی کے نتیجے میں ڈپٹی کمشنر تمپ کے پروٹیکشن اسکواڈ کے تمام اہلکاروں کو بحفاظت محفوظ مقام پر منتقل کر دیا گیا۔سکیورٹی ذرائع کا کہنا ہے کہ کارروائی کے دوران دہشتگرد اپنی گاڑی اور اسلحہ چھوڑ کر فرار ہوگئے، جبکہ متعدد حملہ آوروں کے زخمی ہونے کی بھی اطلاعات ہیں۔سکیورٹی فورسز نے علاقے میں دہشتگردوں کی تلاش کے لیے کارروائی شروع کر دی ہے جبکہ فرار ہونے والے دہشتگردوں کا تعاقب جاری ہے
