آج سے 5 جون تک ملک کے کئی علاقوں میں بارش کی پیش گوئی

اسلام آباد ( پاک ترک نیوز) مغربی ہواؤں کا سلسلہ آج بالائی علاقوں میں داخل ہو گا، 5 جون تک ،آزاد کشمیر ،گلگت بلتستان ، خیبر پختونخوا ،پنجاب میں موسلا دھار بارش کی پیش گوئی کی گئی ہے ، پی ڈی ایم اے نے چترال ،دیر ،سوات ،کوہستان ،مانسہرہ کیلئے الرٹ جاری کر دیا ،پنجاب کے کئی علاقوں میں بادل جم کر برسیں گے ، لاہور ،اسلام آباد ،راولپنڈی ، گجرات ،جھنگ ، ملتان ،خانیوال ،خوشاب ،سرگودھا ،میانوالی میں کہیں کہیں بارش اور ژالہ باری کی پیش گوئی کی گئی ہے۔
ڈی جی پی ڈی ایم اے کا کہنا ہے کہ سرگودھا، میانوالی، شیخوپورہ، خوشاب اور منڈی بہاوالدین میں بھی بارشوں کی پیشگوئی ہے، سیالکوٹ، نارووال، فیصل آباد، جھنگ اور گردونواح میں بارش کا امکان ہے۔ صوبہ بھر کے کمشنرز و ڈپٹی کمشنرز کو الرٹ جاری کر دیا گیا۔