لاہور( پاک ترک نیوز) سہ ملکی سیریز کے چوتھے میچ میں پاکستانی ٹیم انگلینڈ کیخلاف ہدف کے تعاقب میں مشکلات کا شکار ہو گئی ۔
پاکستان ٹیم 242رنز کے ہدف کے تعاقب میں مشکلات کا شکار ہو گئی ۔ پاکستان کی بیٹنگ لائن ایک مرتبہ پھر ناکام ہو گئی اور 108رنز پر 6کھلاڑی پویلین لوٹ گئے ۔پاکستان کو جیت کیلئے مزید 132رنز درکار ہیں اور اس کی 4وکٹیں باقی ہیں۔
پاکستان کی ہدف کے تعاقب میں بیٹنگ لائن ایک بار پھر دھوکہ دے گئی ۔ صائم ایوب 6،فخر زمان 10اور بابراعظم بھی 10رنزکے ہی مہمان ثابت ہوئے ۔سعد بیگ 32جبکہ حسن نواز 26رنز بناسکے ۔
انگلینڈ کی جانب سے اتھکسن نے 2جبکہ ہینری نے ایک وکٹ حاصل کی ۔
اس سے قبل انگلینڈ کی پوری ٹیم 241رنز ہی بنا سکی ۔ انگلینڈ کی جانب سے بین ڈکٹ نے 105جبکہ سیم کرن نے 36رنز سکور کئے ۔
یہ بھی پڑھیں: عمان سے ایل پی جی کے 2 جہاز پورٹ قاسم پہنچ گئے، قیمتوں میں کمی متوقع
پاکستان کی جانب سے کپتان شاہین آفریدی نے 4جبکہ رضا اللہ اور عرفات منہاس نے دو کھلاڑیوں کو پویلین کی راہ دکھائی ۔
واضح رہے کہ سیریز میں پاکستان اپنے پہلے دونوں میچز میں کامیابی سمیٹ چکا ہے اور فائنل معرکہ میں جگہ بھی پکی کر چکا ہے ۔ سہ ملکی سییریزکا فائنل 31اکتوبرکو کھیلا جائے گا ۔
