کراچی ( پاک ترک نیوز) سندھ اسمبلی کے باہر پاکستان تحریک انصاف کے ارکان نے پیٹرولیم مصنوعات کی قیمتوں میں اضافے کے خلاف انوکھا احتجاج کیا۔پی ٹی آئی ارکان گدھا گاڑیوں پر سوار ہوکر سندھ اسمبلی پہنچے، اس موقع پر ارکان نے ہاتھوں میں پلے کارڈز اٹھا رکھے تھے اور حکومت کے خلاف نعرے بازی کی۔پی ٹی آئی رہنما سجاد علی کا کہنا تھا کہ پیٹرولیم مصنوعات کی قیمتوں میں مسلسل اضافہ ہو رہا ہے، پیٹرول اتنا مہنگا ہوگیا ہے کہ گاڑیوں میں اسمبلی نہیں پہنچ سکتے۔
یہ بھی پڑھیں: وزیراعظم فیول ریلیف اسکیم ، 20 سال پرانی موٹر سائیکلیں اور رکشے بھی شامل
ان کا کہنا تھا کہ پیٹرول کی بڑھتی قیمتوں کے خلاف احتجاجاً گدھا گاڑیوں پر اسمبلی پہنچے ہیں۔احتجاج کے دوران پی ٹی آئی ارکان نے حکومت سے پیٹرولیم مصنوعات کی قیمتوں میں کمی کا مطالبہ بھی کیا۔
