کراچی ( پاک ترک نیوز) پاکستان سپر لیگ (پی ایس ایل) کے چی ایگزیکٹو آفیسر سلمان نصیر نے کہا ہے کہ کہ دو نئی ٹیموں کے لیے نیلامی ہوگی۔
پی ایس ایل ایل کے سی ای او سلمان نصیر نے نیشنل سٹیڈیم کراچی میں پریس کانفرنس کرتے ہوئے کہا کہ بڈ کرنے والی پارٹیز کو شہروں کے نام کا پول دیا جائے گا جس میں سے انہیں انتخاب کرنا ہوگا۔
سی ای او پاکستان سپر لیگ نے کہا کہ نئی ٹیموں کے شہروں میں بھی میچز کروائے جائیں گے۔
سلمان نصیر نے کہا کہ ہم نے دسویں ایڈیشن کے بعد ویلیوایشن دوبارہ کرانے کا فیصلہ کیا تھا جس کی رپورٹ رواں ہفتے سامنے آ جائے گی۔
پی ایس ایل کے سی ای او کا کہنا تھا کہ گیارہویں ایڈیشن کے میچز پشاور میں بھی کروانے کا ارادہ ہے۔
سلمان نصیر نے کہا کہ کراچی میں میچز کے دوران تماشائیوں کو لانے کیلیے مشترکہ اقدامات کریں گے۔ اسٹیڈیم میں تزئین و آرائش کے کام کو بھی مد نظر رکھا جائے گا۔
انہوں نے کہا کہ پی ایس ایل کی الگ کمپنی بن گئی ہے، پی سی بی کے وسیع تر وسائل اور تجربہ لیگ کے لیے سود مند ہے۔
پی ایس ایل کی دو نئی ٹیموں کیلئے نیلامی ہوگی، سی ای اوسلمان نصیر
