جدہ (پاک ترک نیوز) وزیراعظم شہباز شریف کی سعودی ولی عہد محمد بن سلمان سے ملاقات ہوئی ہے جس میں مشرق وسطیٰ کی کشیدگی،دو طرفہ تعلقات اور سرمایہ کاری پر تبادلہ خیال کیا گیا ۔
وزیراعظم نے سعودی عرب کے ساتھ یکجہتی اور قیمتی جانوں کے ضیاع پر دکھ کا اظہار کیا ۔
ولی عہد کو پاکستان کی امن کے فروغ کیلئے کی جانے والی حالیہ کوششوں اور اسلام آباد مذاکرات سے بھی آگاہ کیا اور مشکل حالات میں سعودی قیادت کی دانشمندانہ حکمت عملی، صبر و تحمل کو سراہا ۔
سعودی ولی عہد نےوزیراعظم اور فیلڈ مارشل کے تعمیری کردار کو سراہا۔وزیراعظم نے کہا امریکا ایران مذاکرات آگے بڑھانے، خطے میں پائیدار امن و استحکام کیلئےکوششیں جاری رکھیں گے،وزیراعظم ہاؤس کی طرف سے جاری اعلامیے کے مطابق جدہ میں وزیراعظم اور سعودی ولی عہد کی ملاقات تقریباً دو گھنٹے جاری رہی۔
اس دوران دونوں رہنماؤں نے ابھرتی ہوئی علاقائی صورتحال پر تفصیلی تبادلہ خیال کیا۔ وزیراعظم نے کہا کہ پاکستان کے عوام اپنے سعودی بھائیوں کے شانہ بشانہ کھڑے ہیں، سعودی قیادت کی سعودی عرب سمیت تمام امن پسند لوگوں کے لیے مثال ہے۔ملاقات میں دونوں رہنماؤں نے دفاع اور سکیورٹی کے شعبے میں قریبی تعاون کو مزید مضبوط بنانے اور دیرینہ شراکت داری کو فروغ دینے کے عزم کا بھی اعادہ کیا۔
وزیراعظم شہبازشریف کی سعودی ولی عہد سے ملاقات
