اسلام آباد ( پاک ترک نیوز) وزیراعظم شہباز شریف نے امیر جماعت اسلامی حافظ نعیم الرحمان سے رابطہ کیا اور جماعت اسلامی کا لانگ مارچ چند روز کے لیے مؤخر کرنے کی درخواست کی۔
وزیراعظم شہباز شریف نے حافظ نعیم الرحمان سے کہا کہ وطن واپس پہنچتے ہی ان سے ملاقات کریں گے اور عوام کے لیے مزید بہتر ریلیف پیکیج کا اعلان کیا جائے گا۔
یہ بھی پڑھیں:لانگ مارچ ہر صورت ہوگا ،احتجاج کا آئینی حق کوئی نہیں چھین سکتا، سہیل آفریدی
ترجمان جماعت اسلامی کے مطابق حافظ نعیم الرحمان نے وزیراعظم کی درخواست پر کہا کہ وہ پارٹی قیادت سے مشاورت کے بعد فیصلہ کریں گے۔ذرائع کے مطابق جماعت اسلامی آج لانگ مارچ کے حوالے سے آئندہ کے لائحہ عمل کا اعلان کرے گی۔دوسری جانب لانگ مارچ کے شرکاء نے ملتان میں پڑاؤ ڈال رکھا ہے، جہاں سے آئندہ کی حکمت عملی کے اعلان کے بعد مارچ کے اگلے مرحلے کا فیصلہ کیا جائے گا۔
