مظفر آباد ( پاک ترک نیوز) پیپلز پارٹی نے آزاد کشمیر الیکشن میں دھاندلی کا الزام لگا دیا ، راجہ پرویز اشرف نے ثبوت میڈیا کے سامنے رکھ دیئے ،کہتے ہیں آزاد کشمیر کے انتخابات میں جمہوریت کا مذاق اڑایا گیا ۔ اتنی بھیانک دھاندلی کی گئی جس کی مثال نہیں ملتی۔
راجہ پرویز اشرف نے کہا پیپلز پارٹی کے کارکنوں کو مارا پیٹا گیا۔پولنگ اسٹیشنوں سے باہر نکال دیا گیا ۔خاص قسم کے نظام کی آڑ میں کھیل کھیلا گیا۔ الیکشن کو ایسے سبوتاژ کیا گیا کہ عوام کا اعتماد ہی ختم ہوجائے،
یہ بھی پڑھیں: مسلح افراد راولا کوٹ کی عمارتوں پر مورچہ بند ہو کر فورسز پر حملہ آور ہیں ،ترجمان آزاد کشمیر پولیس
نیوز کانفرنس کرتے ہوئے راجہ پرویز اشرف نے کہا ایل اے 12 میں بیلٹ باکس اور ووٹوں کو آگ لگائی گئی، کیا بیلٹ باکس جلانے والوں کےخلاف کارروائی کی گئی، چیف الیکشن کمشنر پیپلز پارٹی کے اعتراضات کو دیکھیں ،۔ ثبوتوں کو مد نظر رکھ کر فیصلہ کریں
راجہ پرویز اشرف نے کہا ہمیں مشورے دیے رہے ہیں کہ الیکشن ہو گئے ،رونے کا کیا فائدہ، رونے کا سلسلہ اب ختم ہونا چاہیئے۔ اب ایسے حالات نہیں بنانے چاہیئں ،کہ کوئی بعد میں روئے
