پاکستانی جہاز آبنائے ہرمز پار کر گیا

کراچی ( پاک ترک نیوز) آٹھ کروڑ لیٹر ڈیزل کے ساتھ پاکستانی جہاز آبنائے ہرمز پار کر گیا۔
ذرائع کے مطابق خیرپور جہاز خلیج عمان میں داخل ہوگیا ۔ جہاز میں کویت سے خریدا گیا ڈیزل موجود ہے۔
جہاز دو سے تین دن میں کراچی پورٹ پر پہنچے گا۔اوگرا حکام کا کہنا ہے کہ جہاز کی آمد سے ملک میں تیل کے ذخائر میں مزید اضافہ ہوگا۔
دوسری جانب امریکی صدر ڈونلڈ ٹرمپ نے جنگ بندی کے خاتمے اور ایران پر دوبارہ حملوں کا اشارہ دے دیا ،اوول آفس میں صحافیوں سے گفتگو کرتے ہوئے بولے مجھے نہیں لگتا کہ دوبارہ جنگ کی ضرورت ہے لیکن شاید پڑ بھی سکتی ہے ۔ایران کے خلاف فوجی آپریشن بہت پہلے شروع کر دینا چاہیئے تھا، ایران کی 90 فیصد میزائل کی فیکٹریاں تباہ کر دیں، ایران پر لگائی گئی پابندیں کامیاب ہیں، ایران کی معیشت تباہ ہوتی جارہی ہے، ایران جوہری ہتھیار نہیں رکھ سکتا ۔