لاہور( پاک تر ک نیوز)
پاکستان اور جنوبی افریقہ کی ٹیمیں فیصلہ کن ون ڈے میں میں کل مد مقابل آئیں گے ۔
فیصل آباد کے اقبال سٹیڈیم میں پاکستان اورجنوبی افریقہ کی ٹیمیں تیسرے اور فیصلہ کن ایک روزہ میچ میں کل ایک دوسرے کے آمنے سامنے آئیں گی ۔تین میچوں پر مشتمل سیریز ایک ایک سے برابر اور تیسرے میچ میں کامیابی حاصل کرنیوالی ٹیم سیریز اپنے نام کرے گی ۔
اس سے قبل دوسرے ون ڈے میں جنوبی افریقہ نے پاکستان کو 8وکٹوں سے شکست دی تھی ۔ پاکستان نے ٹاس جیت کر پہلے بیٹنگ کا فیصلہ کیاتھا جو زیادہ کارگر ثابت نہ ہوا اور آغازسے ہی وکٹیں گرنے کا سلسلہ شروع ہوگیا ۔ شاہینوں نے مقررہ پچاس اوورز میں 269رنز سکور کئے تھے ۔ جنوبی افریقہ نے مطلوبہ ہدف 40.1اوورز میں دو وکٹوں کے نقصان پر پورا کرلیا ۔
اس سےقبل پہلے ایک روزہ میچ میں پاکستان نے سائوتھ افریقہ کو 2وکٹوں سے شکست دی تھی ۔ جنوبی افریقہ نے پہلے بیٹنگ کرتے ہوئے 263رنز بنائے تھے ۔ شاہینوں نے ہدف 8وکٹوں کے نقصان پر پورا کیا تھا ۔
واضح رہے کہ اس سے قبل ٹی ٹونی سیریز میں پاکستان نے پروٹیز کو دو ایک سے سیریز اپنے نام کی تھی ۔
قبل ازیں دو ٹیسٹ میچز کی سیریز ایک ایک سے برابر تھی ۔
