کراچی (پاک ترک نیوز ) پاکستان اسٹاک ایکسچینج میں کاروباری ہفتے کے اختتام پر مندی کا رجحان دیکھنے میں آیا، جہاں کے ایس ای 100 انڈیکس 495 پوائنٹس کی کمی کے بعد 175 ہزار 547 پوائنٹس پر بند ہوا۔
کاروبار کے دوران انڈیکس 176 ہزار 234 پوائنٹس کی بلند ترین جبکہ 174 ہزار 612 پوائنٹس کی کم ترین سطح پر ٹریڈ کرتا رہا۔
مارکیٹ میں آج 25 ارب روپے مالیت کے 71 کروڑ 2 لاکھ حصص کے سودے ہوئے، جبکہ مجموعی طور پر 563 کمپنیوں کے شیئرز کا کاروبار ہوا۔
اعداد و شمار کے مطابق 175 کمپنیوں کے حصص کی قیمتوں میں اضافہ جبکہ 279 کمپنیوں کے شیئرز کی قیمتوں میں کمی ریکارڈ کی گئی۔
واضح رہے کہ گزشتہ کاروباری روز کے ایس ای 100 انڈیکس 176 ہزار 42 پوائنٹس پر بند ہوا تھا۔
