پاک نیوی کی پہلی ہنگور کلاس آبدوز پی این ایس ایم ہنگور کی چین میں کمیشننگ

بیجنگ ( پاک ترک نیوز) پاکستان نیوی کی پہلی ہنگور کلاس آبدوز پی این ایس۔۔ایم ہنگور کی چین کے شہر سانیا میں کمیشننگ ،صدر آصف علی زرداری تقریب کے مہمان خصوصی تھے ،تقریب میں اعلیٰ عسکری اور حکومتی حکام نے شرکت کی ،نیول چیف ایڈمرل نوید اشرف نے کہا ہینگور کلاس آبدوزیں جدید ٹیکنالوجی، ایئر انڈیپنڈنٹ پروپلشن اور جدید ہتھیاروں سے لیس ہیں،یہ آبدوزیں بحری دفاع، سمندری راستوں کی حفاظت اور علاقائی استحکام میں کلیدی کردار ادا کریں گی، تقریب کو پاکستان اور چین کے مضبوط دفاعی تعاون کی اہم علامت قرار دیا گیا۔
ہنگور کا نام ہماری قومی تاریخ میں خاص اہمیت رکھتا ہے۔ انیس سو اکتہر کی پاک بھارت جنگ میں سابقہ ہنگور دوسری عالمی جنگ کے بعد کسی بحری جہاز کو تباہ کرنے والی پہلی آبدوز تھی ، آبدوز ہنگور اس شاندار ورثہ کو آگے بڑھائے گی۔
ہمارے بحری دفاع کو مضبوط اور ہمارے بیڑے کو جدید ترین ٹیکنالوجی سے لیس کرے گی۔ صدر آصف علی زرداری نے کہا آبدوز ہنگور کی کمیشننگ پاک بحریہ کی جدت کے سفر میں ایک تاریخی سنگِ میل ہے۔ پاکستان اپنی خودمختاری کے دفاع، بحری مفادات کے تحفظ اوراقتصادی راہداریوں کی حفاظت کی مکمل صلاحیت رکھتا ہے۔