یورپ کے بیشتر علاقے شدید گرمی کی لپیٹ میں آ گئے ، فرانس میں سخت گرمی کے باعث 5 افراد ہلاک ہوگئے جن میں دو کم عمر بچے بھی شامل ہیں جب کہ نہاتے ہوئے 13 افراد ڈوب کر ہلاک ہوئے۔فرانس میں ایک ہفتے میں مرنے والوں کی تعداد تیرہ ہو گئی
محکمہ موسمیات نے آئندہ دنوں میں درجہ حرارت مزید بڑھنے کا امکان ظاہر کیا ہے۔ متعدد ممالک نے اس صورتحال سے نمٹنے کے لیے خصوصی اقدامات شروع کر دیئےہیں۔ ملک کے 96 میں سے 49 صوبوں میں ہیٹ ویو کے باعث ریڈ الرٹ جاری کیا گیا ۔
یہ بھی پڑھیں: کراچی میں گرمی بڑھ گئی
برطانیہ میں بھی محکمہ موسمیات نے وسطی اور جنوبی انگلینڈ کے کچھ علاقوں کے لیے شدید گرمی کی اعلیٰ ترین وارننگ جاری کر دی۔ماہرین کے مطابق یہ صورتحال یورپ میں موسمیاتی تبدیلیوں کے بڑھتے ہوئے اثرات کی ایک واضح علامت ہے۔
برطانوی خبر ایجنسی کے مطابق وسطی فرانس کے شہر پواتیے میں گرمی کا 78 سالہ ریکاڈ ٹوٹ گیا جہاں زیادہ سے زیادہ درجہ حرارت 41.2 ڈگری سینٹی گریڈ ریکارڈ کیا گیا۔ مغربی فرانس کے علاقے بوردو میں درجہ حرارت 41.9 ڈگری سینٹی گریڈ تک پہنچ گیا
