انقرہ ( پاک ترک نیوز) ترکیہ کے صدر رجب طیب اردوان نے کہا ہے کہ مکہ مشترکہ دفاعی معاہدہ اسلامی دنیا کے لیے ایک اہم پیغام ہے اور اس کے مثبت اثرات سامنے آئیں گے۔شمالی صوبے سامسون میں نوجوانوں کے سوالات کا جواب دیتے ہوئے ترک صدر نے کہا کہ سعودی عرب، پاکستان اور ترکیہ نے مل کر یہ قدم اٹھایا ہے تاکہ پوری اسلامی دنیا کو واضح پیغام دیا جا سکے۔رجب طیب اردوان نے کہا کہ اس اقدام کے نتیجے میں مثبت پیش رفت ہو رہی ہے اور ترکیہ اس مقصد میں کامیاب ہوگا۔
اقوام متحدہ کی سلامتی کونسل کے مستقل ارکان سے متعلق سوال پر ترک صدر نے کہا کہ دنیا صرف پانچ ممالک تک محدود نہیں، وہ ایک منصفانہ عالمی نظام کے لیے اپنی آواز بلند کرتے رہیں گے۔مشرق وسطیٰ کی صورتحال پر بات کرتے ہوئے اردوان نے کہا کہ آبنائے ہرمز میں ہونے والی پیش رفت پر ترکیہ گہری نظر رکھے ہوئے ہے، جبکہ خلیج کے کئی دیگر حصوں میں بھی صورتحال انتہائی سنجیدہ ہے۔ترک صدر کا کہنا تھا کہ اسلامی دنیا کو درپیش مشکلات پر جلد از جلد قابو پانا ضروری ہے اور ترکیہ اس مقصد کے لیے اپنا کردار ادا کر رہا ہے۔
یہ بھی پڑھیں: مدینہ منورہ میں 11 کروڑ ٹن خام معدنی وسائل کی دریافت، یورینیم کی موجودگی کی بھی تصدیق
انہوں نے کہا کہ موجودہ صورتحال کو معمولی نہیں سمجھا جا سکتا کیونکہ ترکیہ سے لوگوں کی بہت زیادہ توقعات وابستہ ہیں۔
