فیصل آباد(پاک ترک نیوز) فیصل آباد کی انسداد دہشتگردی عدالت نے سانحہ 9 مئی کے دو مقدمات میں فیصلہ سناتے ہوئے عمر ایوب، صاحبزادہ حامد رضا، شبلی فراز، زرتاج گل سمیت 168 افراد کو قید کی سزائیں سنا دیں۔
تفصیلات کے مطابق 9 مئی سے متعلق کیس میں انسداد دہشت گردی عدالت نے پی ٹی آئی کے رکن صوبائی اسمبلی جنید افضل ساہی کو 3 سال قید کی سزا سنا دی۔ سزا پانے والے ملزمان میں صاحبزادہ حامد رضا، عمر ایوب اور زرتاج گل بھی شامل ہیں، جنہیں 10، 10 سال قید کی سزا سنائی گئی ہے۔
پی ٹی آذئی سینئر رہنما شبلی فراز کو بھی 10 سال قید کی سزا سنائی گئی ہے جب کہ کیس میں پی ٹی آئی رہنما فواد چوہدری، زین قریشی اور خیال کاسترو کو بری کردیا گیا ہے۔
عدالت نے تھانہ سول لائن میں درج 9 مئی کے مقدمے میں مجموعی طور پر168 ملزمان کے خلاف کیس کا فیصلہ سنایا ہے۔
نو مئی کیس: عمر ایوب، شبلی فراز، زرتاج سمیت 168 افراد کو قید کی سزا
