چینی کیپیٹل مارکیٹ میں پانڈا بانڈ کا اجراء مالی تعاون میں نیا باب ہے، وزیرخزانہ

اسلام آباد ( پاک ترک نیوز) وزیر خزانہ محمد اورنگزیب محمد اورنگزیب کا کہنا ہے چینی کیپیٹل مارکیٹ میں پانڈا بانڈ کا اجراء مالی تعاون میں نیا باب ہے۔
چینی چینل کو انٹرویو میں وزیر خزانہ نے کہا پاکستان کو چین کی بڑی کیپیٹل مارکیٹ تک پہلی بار رسائی مل گئی،پاکستان کی اقتصادی پالیسیوں پر عالمی سرمایہ کاروں کا اعتماد بڑھ گیا۔
پانڈا بانڈ سے چینی یوآن میں مالی لین دین کو فروغ ملے گا،وزیر خزانہ نے کہا پاکستان اور چین کے درمیان مالی و اقتصادی تعاون مزید مضبوط ہو رہا ہے ،سی پیک کا دوسرا مرحلہ صنعتی تعاون اور بزنس ٹو بزنس روابط پر مرکوز ہے،حکومت کا اصلاحاتی ایجنڈا سرمایہ کاری کے لیے سازگار ماحول پیدا کر رہا ہے،ایشیائی ترقیاتی بینک اور اے آئی آئی بی کی پاکستان کو معاونت حاصل ہے ،مالی نظم و ضبط اور اصلاحات سے معیشت کا استحکام بہتر ہو رہا ہے،