صدر ٹرمپ کی قیادت اور مذاکرات و سفارتکاری سے وابستگی کو سراہتے ہیں،اسحاق ڈار

اسلام آباد ( پاک ترک نیوز) نائب وزیراعظم اور وزیر خارجہ اسحاق ڈار کا کہنا ہے کہ صدر ٹرمپ کی قیادت اور مذاکرات و سفارتکاری سے وابستگی کو سراہتے ہیں۔
اسحاق ڈار کا کہنا تھا کہ صدر ٹرمپ کی پاکستان، سعودی عرب، ترکیہ، قطر، مصر، متحدہ عرب امارات اور اردن کی قیادت کے ساتھ ٹیلیفونک گفتگو اہم ہے۔
صدر ٹرمپ کی کال علاقائی امن، استحکام اور جلد سفارتی حل کے مشترکہ ہدف کے مزید قریب پہنچنے کے لئے اہم پیش رفت ہے
انہوں نے کہا کہ نائب صدر جے ڈی وینس، وزیر خارجہ مارکو روبیو، اور پوری امریکی ٹیم بشمول اسٹیو وٹکوف اور جیرڈ کشنر کی مسلسل کوششوں کو بھی خراج تحسین پیش کرتے ہیں۔امریکی ٹیم کی مسلسل شمولیت نے جاری مذاکرات میں بامعنی پیش رفت ممکن بنائی۔