راولپنڈی (پاک ترک نیوز) ضلع ہنگو میں سکیورٹی فورسز نے بھارتی پراکسی فتنہ الخوارج کے خلاف انٹیلی جنس بیسڈ آپریشن کیا۔آئی ایس پی آر کے مطابق آپریشن کے دوران خوارج کے ٹھکانے کو مؤثر طریقے سے نشانہ بنایا گیا، شدید فائرنگ کے تبادلے میں فتنہ الخوارج کے 7 دہشت گرد ہلاک ہوگئے۔
ترجمان پاک فوج کے مطابق دہشت گردوں نے عبادت گاہ کے تقدس کو نظر انداز کرتے ہوئے ایک مسجد میں پناہ لے رکھی تھی، تاہم سکیورٹی فورسز نے کارروائی کرتے ہوئے دہشت گردوں کو انجام تک پہنچایا۔ شدید فائرنگ کے تبادلے میں کیپٹن حمزہ اکرم بہادری سے لڑتے ہوئے شہید ہوگئے۔
یہ بھی پڑھیں: بلوچستان میں سکیورٹی فورسز کا آپریشن، فتنہ الہندوستان کے 3 دہشت گرد ہلاک، 4 زخمی
کارروائی کے دوران ہلاک دہشت گردوں کے قبضے سے اسلحہ اور گولہ بارود بھی برآمد کرلیا گیا۔پاک فوج کے مطابق علاقے میں موجود دیگر ممکنہ دہشت گردوں کے خاتمے کے لیے کلیئرنس آپریشن جاری ہے۔
