آر اے شمشاد
بھارت ہٹ دھرمی سے باز نہ آئے اور ویمنز ورلڈ کپ میں بھی اپنی روش برقرار رکھتے ہوئے کھیل کی اقدار کو پامال کرنے کا اعلان کیا ہے ۔
ویمنز ورلڈ کپ میں بی سی سی آئی کی جانب سے پاکستان اور بھارت کے درمیان شیڈول 5اکتوبر کے میچ میں بھی بھارتی کپتان کی جانب سے مصافحہ نہ کرنے کی روش کو برقرار رکھنے کا فیصلہ کیا ہے ۔
https://www.youtube.com/watch?v=JgoQyyYWCJQ
اس حوالےسے بی سی سی آئی کے سیکرٹری دیوجیت سائیکیاکی جانب سے کہا گیا ہے کہ پاکستان کے ساتھ مصافحہ نہ کرنے کے معاملے پر ہماری پالیسی وہی ہے جو پچھلے ہفتے تھی ۔
سیکرٹری بی سی سی آئی کا کہنا تھا کہ کرکٹ کے تمام قوائد و ضوابط پر عمل کیا جائے گا لیکن اس بات کی کوئی یقین دہانی نہیں دی جا سکتی کہ بھارت اور پاکستان کی کھلاڑیاں آپس میں ہاتھ ملائیں گی۔
واضح رہے کہ آئی سی سی ویمنز ورلڈ کپ میں روایتی حریفوں پاکستان اور بھارت کی ویمنز ٹیم کے درمیان میچ پانچ اکتوبر کو سری لنکا کے شہر کولمبو میں کھیلا جائے گا۔
یاد رہے کہ ایشیا کپ میں بھی بھارتی ٹیم نے ہٹ دھرمی کا مظاہرہ کرتے ہوئے پاکستانی ٹیم سے ہاتھ نہیں ملایا تھا۔اس حوالےسے دنیا بھر کے شائقین کی جانب سے بھارت کو شدید تنقید کا سامنا کرنا پڑا تھا ۔ وہیں سابق کرکٹرز جن میں سابق بھارتی کپتان بھی شامل ہیں نے بی سی سی آئی کو آڑے ہاتھوں لیا تھا لیکن بھارت اس کے باوجود ہٹ دھرمی پر قائم اور ایشیا کپ کے بعد ویمنز ورلڈ کپ میں بھی کھلاڑیوں کے مصافحہ نہ کرنے پر بضد ہے ۔
https://www.youtube.com/shorts/a6Vi_d6lZEI
سابق جنوبی افریقہ کھلاڑی اے بی ڈی ویلیئرز کی جانب سے بھی بھارت کے ایشیا کپ میں بھارتی ٹیم کے سپورٹس مین سپرٹ رویے پر تنقید کی ہے اورکہاہے کہ سیاست کو کھیل سے الگ رکھنا چاہئے ۔ان کا مزید کہنا تھا کہ ایشیا کپ کی اختتامی تقریب میں سب کچھ دیکھ کر دکھ ہوا۔
