لاہور( پاک ترک نیوز) ویسٹ انڈیز کے خلاف دوسرے ٹیسٹ میں کامیابی کے بعد پاکستان کرکٹ ٹیم نے آئی سی سی ورلڈ ٹیسٹ چیمپئن شپ 2025-27 کی پوائنٹس ٹیبل پر اپنی پوزیشن بہتر بنا لی ہے۔
پاکستان ورلڈ ٹیسٹ چیمپئن شپ کی درجہ بندی میں آخری نمبر سے نکل کر آٹھویں پوزیشن پر آ گیا ، جبکہ ٹیم کا پوائنٹس پرسنٹیج 22.22 فیصد ہو گیا ہے۔ دوسری جانب ویسٹ انڈیز 20.83 فیصد کے ساتھ سب سے نچلی پوزیشن پر چلا گیا ہے۔
یہ بھی پڑھیں: بابراعظم کی دوبارہ کپتانی میں پہلی کامیابی ،دوسرا ٹیسٹ پاکستان کے نام،سیریز برابر
ورلڈ ٹیسٹ چیمپئن شپ پوائنٹس ٹیبل پر آسٹریلیا 87.50 فیصد کامیابی کے تناسب کے ساتھ سرفہرست ہے، جبکہ جنوبی افریقا 75 فیصد کے ساتھ دوسرے نمبر پر موجود ہے۔ نیوزی لینڈ، بنگلادیش، بھارت، سری لنکا اور انگلینڈ بالترتیب تیسرے سے ساتویں نمبر تک موجود ہیں۔
