آئی ایم ایف اور پاکستان کے بجٹ مذاکرات شروع

اسلام آباد ( پاک ترک نیوز) آئی ایم ایف اور پاکستان کے بجٹ مذاکرات شروع ہو گئے۔
عالمی مالیاتی ادارے کے وفد نے وزیر خزانہ محمد اورنگزیب سے ملاقات کی ، وفاقی بجٹ کی تیاریوں اور حکومت کے اصلاحاتی ایجنڈے پر تبادلہ خیال کیا گیا۔
گورنر اسٹیٹ بینک جمیل احمد، سیکریٹری فنانس ڈویژن امداد اللہ بوسال، چیئرمین ایف بی آر راشد محمود لنگڑیال اور سینئر حکام نے اجلاس میں شرکت کی ۔آئی ایم ایف وفد اسٹیٹ بینک حکام سے بھی ملے گا۔