لاہور( پاک ترک نیوز) عید کی آمد اور بازاروں میں غیر معمولی رونق۔روشنیوں سے جگمگاتے بازار…۔خریداروں کا بڑھتا ہوا ہجوم۔۔۔ بچوں کے ساتھ شاپنگ کرتے والدین۔۔ چوڑیوں اور مہندی کے اسٹال ، یہ ہیں مناظر پاکستان کے شاپنگ سینٹروں اور بازاروں کے ۔۔۔عید الفطر کی آمد میں اب چند ہی دن باقی رہ گئے . اس کے ساتھ ہی ملک بھر کے بازاروں میں رش بڑھنے لگا ، ۔ کہیں بچوں کے کپڑوں کی خریداری ہو رہی ہے، کہیں چوڑیوں اور مہندی کے اسٹالز سج گئے ، مگر دوسری جانب مہنگائی نے شہریوں کی جیب پر بھی بھاری بوجھ ڈال دیا ۔ عید کی خوشیاں اور مہنگائی کا دباؤ ایک ساتھ نظر آ رہا ہے۔
عید کی آمد کے ساتھ ہی بازاروں کی رونقیں اور گہما گہمی بڑھنے لگی ۔۔۔ روشنیوں سے جگمگاتے بازار، رنگ برنگے کپڑے اور چوڑیوں کی کھنک ہر طرف عید کی خوشبو بکھیر رہی ہے۔شہری اپنے بچوں اور اہل خانہ کے لیے خریداری میں مصروف ہیں، لیکن مہنگائی کے اس دور میں خریداری ایک امتحان بھی بن گئی ۔کسی کے ہاتھ میں شاپنگ بیگ ہیں تو کسی کے چہرے پر قیمتیں سن کر حیرانی بھی دکھائی دیتی ہے۔کوئی صرف قیمتیں پوچھ کر ناکام لوٹںے لگے۔
شہریوں کا کہنا ہے مہنگائی بہت زیادہ ہے، لیکن عید سال میں ایک بار آتی ہے۔ بچوں کی خوشی کے لیے ہمیں خریداری تو کرنی ہی پڑتی ہے۔ دکانداروںنےکہا عید قریب آتے ہی خریداروں کی تعداد میں نمایاں اضافہ ہو جاتا ہے۔ اکثر بازار رات گئے تک آباد رہتے ہیں۔ابھی رش شروع ہوا ہے، جیسے جیسے عید قریب آئے گی بازاروں میں مزید بھیڑ ہو جائے گی۔
دوسری جانب بڑھتے ہوئے رش کے باعث بعض علاقوں میں ٹریفک جام معمول بن چکا ہے جبکہ شہریوں کی سہولت کے لیے سکیورٹی اور ٹریفک انتظامات بھی سخت کیے جا رہے ہیں۔
