اسلام آباد ( پاک ترک نیوز) ہارون اختر خان کو وزیراعظم محمد شہباز شریف کا مشیر مقرر کردیا گیا، انہیں وفاقی وزیر کا درجہ بھی حاصل ہوگا۔
صدرِ مملکت نے ہارون اختر خان کی بطور وزیراعظم کے مشیر تقرری کی منظوری دے دی۔کابینہ ڈویژن کی جانب سے ہارون اختر خان کی تقرری کا باقاعدہ نوٹیفکیشن جاری کردیا گیا ہے۔
نوٹیفکیشن کے مطابق ہارون اختر خان وزیراعظم کے مشیر برائے صنعت و پیداوار ہوں گے اور انہیں وفاقی وزیر کا درجہ حاصل ہوگا۔
یہ بھی پڑھیں: انسان اب انفراریڈ روشنی بھی دیکھ سکے گا؟
ہارون اختر خان فوری طور پر وزیراعظم کے مشیر کی حیثیت سے اپنی ذمہ داریاں سنبھالیں گے۔
وزیراعظم کے مشیر کی حیثیت سے ہارون اختر خان وزارتِ صنعت و پیداوار سے متعلق امور کی ذمہ داریاں انجام دیں گے۔
