میسوری ( پاک ترک نیوز) ارجنٹینا کے فٹبال پلیئر لیونل میسی کی فٹبال ورلڈ میں سپر پرفارمنس ، ورلڈکپ میں سب سے زیادہ سولہ گول کرنے والے جرمن کھلاڑی کا ریکارڈ برابرکردیا۔
اسٹار پلیئر لیونل میسی نے الجزائر کے خلاف میچ میں ہیٹ ٹرک کرکےاپنی ٹیم کو شاندار فتح دلائی وہیں انہوں نےکئی نئے ریکارڈ بھی اپنے نام کیے۔
فیفا ریکارڈ کے مطابق میسی میگا ایونٹ کی تاریخ میں پہلی بار ہیٹ ٹرک کرنے میں کامیاب ہوئے جبکہ وہ 38 سال اور 357 دن کی عمر میں یہ کارنامہ انجام دینے والے ورلڈ کپ کے سب سے عمر رسیدہ کھلاڑی بھی بن گئے۔
لیونل میسی نے شاندار ہیٹرک کے ساتھ ورلڈ کپ کی تاریخ میں ایک اور سنگ میل قائم کر لیا، جس کی بدولت ارجنٹائن نے بدھ کو اپنے اعزاز کے دفاع کا آغاز الجزائر کے خلاف تین صفر کی واضح فتح سے کیا۔
گروپ جے کے افتتاحی میچ میں ارجنٹائن کے کپتان نے ایک اور شاندار کارکردگی دکھائی۔ اس ماہ کے آخر میں 39 سال کی عمر کو پہنچنے والے میسی نے اپنے ملک کے لیے 200واں میچ کھیلتے ہوئے یہ اعزاز بھی حاصل کیا کہ وہ چھ ورلڈ کپ کھیلنے والے پہلے فٹ بالر بن گئے۔
یہ بھی پڑھیں: فیفا ورلڈ کپ،سپین ،کیپ ورڈی کا میچ برابر
انہوں نے 17 ویں منٹ میں پنالٹی ایریا کے کنارے سے گول کر کے آغاز کیا، پھر ایک گھنٹے کے قریب آسان شاٹ سے دوسرا گول کیا، جبکہ 76 ویں منٹ میں گیند کو نہایت مہارت سے جال کے کونے میں پہنچا کر اپنی ہیٹ ٹرک مکمل کی۔
