لاہور( پاک ترک نیوز) پاکستان ریلوے نے پبلک پرائیویٹ پارٹنرشپ ماڈل کے تحت پانچ مسافر ٹرینوں کے تجارتی انتظامات نجی کمپنیوں کے سپرد کرنے کے معاہدوں پر دستخط کر دیئے، جن کی مجموعی مالیت تقریباً 10 ارب 75 کروڑ روپے ہے۔
معاہدوں کے تحت عوام ایکسپریس، ملت ایکسپریس، قراقرم ایکسپریس، میانوالی پسنجر اور نارووال پسنجر ٹرینوں کی کمرشل مینجمنٹ نجی شعبے کے حوالے کی جائے گی۔
پاکستان ریلوے کے مطابق نجی کمپنیاں ٹرینوں کی تجارتی سرگرمیوں، آمدنی میں اضافے اور مسافروں کو بہتر سہولیات فراہم کرنے کی ذمہ دار ہوں گی، جبکہ ٹرین آپریشن، ریلوے انفراسٹرکچر اور سفری خدمات کی فراہمی بدستور پاکستان ریلوے کے پاس رہے گی۔
حکام کا کہنا ہے کہ اس اقدام کا مقصد ریلوے کی آمدنی میں اضافہ، سروس کے معیار کو بہتر بنانا اور مسافروں کو جدید سفری سہولیات فراہم کرنا ہے۔
یہ بھی پڑھیں: پانچ سالوں میں ٹرینوں کے کتنے حادثات ؟تفصیلات قومی اسمبلی میں پیش
پاکستان ریلوے کا مؤقف ہے کہ پبلک پرائیویٹ پارٹنرشپ ماڈل سے نہ صرف ادارے کے مالی بوجھ میں کمی آئے گی بلکہ مسافروں کو بھی بہتر اور معیاری سفری سہولیات میسر آئیں گی۔
