پانچ سالوں میں ٹرینوں کے کتنے حادثات ؟تفصیلات قومی اسمبلی میں پیش

اسلام آباد ( پاک ترک نیوز) پانچ سالوں میں ریلوے حادثات کی تفصیلات قومی اسمبلی میں پیش کر دی گئی ،دستاویزات کے مطابق پانچ سالوں میں مجموعی طور پر 448 حادثات ہوئے جن میں 164 بڑے حادثات تھے،ان حادثات میں مجموعی طور پر 169 افراد جاں بحق ہوئے۔
جاں بحق افراد میں 134 مسافر،28 سڑک استعمال کرنے والے افراد اور سات ریلوے ملازمین شامل تھے۔پانچ سالوں میں 132 ٹرینیں پٹری سے اتر گئیں ،ریلوے پھاٹک پر تصادم کے 16 واقعات ہوئے ،ٹرینوں میں آتشزدگی کے دس واقعات ہوئے ۔
مسافر اور مال گاڑیوں میں تصادم کے دو واقعات ہوئے ۔مال گاڑیوں کے ٹکرانے کے تین اور مسافر ٹرینوں میں تصادم کا ایک واقعہ ہوا۔