اسلام آباد ( پاک ترک نیوز) وفاقی وزیر ریلوے محمد حنیف عباسی دو روزہ سرکاری دورے پر ترکیہ چلے گئے ، وفاقی وزیر ریلوے ترکیہ کے وزیرِ ٹرانسپورٹ و انفراسٹرکچر سے اہم ملاقات کریں گے۔ ریلوے، ٹرانسپورٹ اور انفراسٹرکچر کے شعبوں میں دوطرفہ تعاون کے فروغ پر تبادلۂ خیال ہوگا۔
وفاقی وزیر ریلوے اور ترک وزیرِ ٹرانسپورٹ کی مشترکہ سربراہی میں اعلیٰ سطحی وفود کا اجلاس، مشترکہ منصوبوں اور باہمی شراکت داری پر غور ہوگا۔وفاقی وزیر ریلوے ترکیہ کے جدید ریلوے مانیٹرنگ، آپریشنل کنٹرول اور سیفٹی سسٹمز کا جائزہ لیں گے۔
یہ بھی پڑھیں: وزیر ریلوے حنیف عباسی ترکیہ چلے گئے
وفاقی وزیر ریلوے جدید ریلوے ٹیکنالوجی، کوچ و انجن سازی اور مینوفیکچرنگ سہولیات کا دورہ کریں گے۔دورۂ ترکیہ کے دوران جدید ریلوے ٹیکنالوجی، سگنلنگ، ڈیجیٹلائزیشن اور انفراسٹرکچر میں تعاون بڑھانے پر بات چیت ہوگی۔
