اسلام آباد ( پاک ترک نیوز) وفاقی وزیر داخلہ سید محسن نقوی اعلیٰ سطحی بات چیت کے لیے ایران روانہ ہوگئے۔ذرائع کے مطابق وزیر داخلہ دورۂ تہران کے دوران ایرانی حکام سے اہم ملاقاتیں کریں گے۔ملاقاتوں میں دوطرفہ تعلقات کے فروغ، باہمی دلچسپی کے امور اور سابقہ معاہدوں پر عمل درآمد سمیت مختلف معاملات پر بات چیت ہوگی۔ایرانی وزارت خارجہ کے ترجمان اسماعیل باغائی کا کہنا ہے کہ گزشتہ چند ماہ کے دوران پاکستان اور ایران کے تعلقات میں بہتری آئی ہے۔
یہ بھی پڑھیں: ابھی بھی وقت ہے باز آجائیں، بند گلی کی طرف نہ جائیں ، محسن نقوی کی پی ٹی آئی کو وارننگ
اسماعیل باغائی کے مطابق محسن نقوی کے دورے کا مقصد سابقہ قیادت کی سطح پر طے پانے والے فیصلوں پر پیش رفت کو آگے بڑھانا ہے۔ایرانی ترجمان نے واضح کیا کہ محسن نقوی کے دورے کے دوران امریکی پیغام لائے جانے کی کوئی اطلاع نہیں۔
