لندن ( پاک ترک نیوز) انگلینڈ کرکٹ بورڈ نے کھلاڑیوں کے لئےالکوحل کے نئے پروٹوکول جاری کر دیئے،ای سی بی کے مینجنگ ڈائریکٹر راب کی نے نئے پروٹوکول پر دستخط کر دیئے۔
برطانوی میڈیا کے مطابق بین اسٹوکس واقعے کےبعد کھلاڑیوں کو پروٹوکول کی وضاحت کر دی گئی ۔پروٹوکول کے مطابق کھلاڑیوں کے میچ کےبعداگلے روز بھی شراب پینے پر پابندی ہوگی ۔نئی پالیسی کے مطابق مڈنائٹ کرفیو بدستور برقرار رہے گا
برطانوی میڈیا کے مطابق رات 10بجے کے بعد ہوٹل سے باہر رہنے کی صورت میں کھلاڑی کو مینجمنٹ یا سیکورٹی کو آگاہ کرنا ہوگا۔کھلاڑی شراب کےنشے میں پبلک میں نظرنہیں آئیں گے۔
یہ بھی پڑھیں: فرانس فٹبال ورلڈ کپ کے سیمی فائنل میں پہنچ گیا
برطانوی میڈیا کے مطابق کھلاڑیوں پر سوشل میڈیا پر الکوحل سے متعلق کسی بھی سرگرمی یا اشیاء کو پوسٹ کرنے پر پابندی لگائی گئی ،نئی پالیسی کے مطابق کھلاڑی ٹیم ہوٹل کے پبلک ایریاز میں بھی الکوحل نہیں سکیں گے۔
حال ہی میں ایک بار میں بین اسٹوکس اور گس اٹکنسن کے معاملے پر کافی تنقید ہوئی تھی۔نومبر میں ہیری بروک بھی شراب پی کر جھگڑے میں ملوث پائے گئے تھے۔
