واشنگٹن (پاک ترک نیوز )ایمازون کمپنی نے بھارت میں مجموعی طور پر 48 ارب ڈالرز کی سرمایہ کاری کرنے کا اعلان کر دیا
چیف ایگزیکٹیو آفیسر اینڈی جیسی کا کہنا ہے،2026ء سے 2030ء تک اس سرمایہ کاری کا بڑا حصہ ای کامرس، مصنوعی ذہانت اور کلاؤڈ انفرااسٹرکچر کی توسیع پر خرچ کیا جائے گا۔
ایمازون 2030ء تک مصنوعی ذہانت اور کلاؤڈ کے شعبے میں مزید 13 ارب ڈالرز لگائے گی جس کے بعد اس شعبے میں مجموعی سرمایہ کاری 21 ارب ڈالرز سے تجاوز کر جائے گی۔
یہ بھی پڑھیں: مئی 2025کے بعد بھارت اور پاکستان کے دفاعی اخراجات میں نمایاں اضافہ۔سپری کی رپورٹ
منصوبے کے تحت بھارتی شہر ممبئی اور حیدرآباد میں ڈیٹا سینٹرز کی استعداد بڑھائی جائے گی، جس سے کاروباری اداروں، نئی کمپنیوں اور سرکاری اداروں کو جدید کلاؤڈ اور مصنوعی ذہانت کی سہولتیں میسر آئیں گی۔
