اسلام آباد ( پاک ترک نیوز) وفاقی بجٹ میں بجلی سبسڈی میں 206 ارب روپے تک کمی متوقع ہے ۔
حکومت نے پاور سیکٹر سبسڈی 20 فیصد کم کر کے 830 ارب روپے رکھنے کی تجویز پیش کی ہے،آئی ایم ایف کی شرط پر بجلی سبسڈی کا حجم جی ڈی پی کے 0.6 فیصد تک محدود کرنے کا فیصلہ کیا گیا۔
ڈسکوز اور کے الیکٹرک کیلئے ٹیرف سبسڈی 374 ارب روپے مقرر کیے جانے کا امکان ہے ،کے الیکٹرک کی سبسڈی 126 ارب سے بڑھ کر 163 ارب روپے ہونے کا امکان ہے ، ضم شدہ اضلاع، آزاد کشمیر اور پیرا کیلئے 419 ارب روپے مختص کیے جائیں گے۔
چینی آئی پی پیز کی واجبات ادائیگی کیلئے بھی فنڈز رکھنے کی تجویز دی گئی ،،آئی ایم ایف نے گردشی قرضہ جون 2026 تک 1.614 ٹریلین روپے تک محدود رکھنے کی شرط عائد کی ہے۔
وفاقی بجٹ میں بجلی سبسڈی میں 206 ارب روپے تک کمی متوقع
