لاہور( پاک ترک نیوز) پنجاب حکومت کا اساتذہ کے لیے بڑا اقدام۔ سفری سہولت میں آسانی کے لیے ای بائیک اسکیم شروع کرنے کا فیصلہ کر لیا گیا اساتذہ اب بلاسود اقساط پر اپنی ای بائیک حاصل کر سکیں گے، اساتذہ کو جدید اور ماحول دوست سفری سہولت فراہم کی جائے گی۔
سی ایم پنجاب ای بائیک ٹیچر اسکیم کیلئے آن لائن درخواستیں جلد شروع ہونگی،اساتذہ پنجاب ٹیچرز فاؤنڈیشن ویب سائٹ کے ذریعے اس کے لئے اپلائی کرسکیں گے۔
درخواست کیلئے سی این آئی سی،سروس سرٹیفکیٹ اور ڈرائیونگ لائسنس لازمی ہوگا،ای بائیک اسکیم کیلئے پاسپورٹ سائز تصویر بھی درکار ہوگی،درخواست جمع کروانے کے بعد تصدیقی سلپ ڈاؤن لوڈ کرنا لازمی ہوگا،تصدیق کے بعد پنجاب ٹیچرز فاونڈیشن کی جانب سے ایس ایم ایس یا ای میل کے ذریعے اطلاع دی جائے گی۔
پنجاب ای بائیک اسکیم میں بائیک کی قیمت 2 سے اڑھائی لاکھ روپے تک ہوگی جس میں حکومت کی جانب سے 30 سے 40 فیصد سبسڈی فراہم کی جائے گی اورباقی رقم اساتذہ آسان اقساط میں 2 سے 3 سال میں ادا کریں گے۔
ای بائیک کی ماہانہ قسط 3600 سے 4200 روپے تک متوقع ہے،اساتذہ کیلئے اسکیم کے تحت بلاسود اقساط میں ای بائیک حاصل کرنا ممکن ہوگا۔
حکام کے مطابق درخواستوں کی تصدیق کے بعد اساتذہ کو ایس ایم ایس یا ای میل کے ذریعے آگاہ کیا جائے گا۔ اس اسکیم کے تحت اساتذہ آسان اقساط میں بلاسود ای بائیک حاصل کر سکیں گے، جس سے نہ صرف سفری اخراجات کم ہوں گے بلکہ ماحول پر مثبت اثرات بھی مرتب ہوں گے۔
پنجاب حکومت کا یہ اقدام اساتذہ کے لیے سہولت کے ساتھ ساتھ جدید ٹرانسپورٹ کی جانب ایک اہم قدم قرار دیا جا رہا ہے دیکھنا یہ ہے کہ کتنی جلد اس اسکیم پر عملدرآمد شروع ہوتا ہے۔
