ویڈیو شواہد کی بنیاد پر ڈیجیٹل ٹریفک چالان سسٹم متعارف

راولپنڈی ( پاک ترک نیوز) راولپنڈی میں پہلی بار ویڈیو شواہد کی بنیاد پر ڈیجیٹل ٹریفک چالان سسٹم متعارف کرا دیا گیا۔
نئے ون ایپ / ایویڈنس بیسڈ چالاننگ نظام کے تحت ٹریفک قوانین کی خلاف ورزی کی ویڈیوز محفوظ اور قابلِ تصدیق ہوں گی، جس سے چالان کے عمل میں شفافیت یقینی بنائی جا سکے گی۔
حکام کے مطابق اس سسٹم کے ذریعے موقع پر ہی شناختی کارڈ، ڈرائیونگ لائسنس اور ایف آئی آر سے متعلق ریکارڈ کی تصدیق بھی ممکن ہوگی۔ اسی طرح گاڑی کی ملکیت، فٹنس سرٹیفکیٹ اور روٹ پرمٹ کی جانچ بھی فوری طور پر ڈیجیٹل نظام کے ذریعے کی جا سکے گی۔
حکام کا کہنا ہے کہ تجاوزات اور ماحولیاتی خلاف ورزیوں کے خلاف بھی ڈیجیٹل کارروائی عمل میں لائی جائے گی۔