اسلام آباد ( پاک ترک نیوز) پٹرولیم مصنوعات کی قیمتوں کا روزانہ تعین عوام پر بھاری پڑنے لگا ۔پٹرولیم مصنوعات کی قیمتوں میں ایک بار پھر اضافہ کر دیا گیا، پٹرول کی قیمت چار روپے 40پیسے بڑھ گئی، فی لٹر نئی قیمت 331روپے 52پیسے مقرر کی گئی ہے۔
ڈیزل تین روپے 62پیسے مہنگا کر دیا گیا، فی لٹر قیمت 378روپے 66پیسے ہوگئی،ایک ماہ کے دوران پٹرول کی قیمت میں 32روپے فی لٹر اضافہ ہوا ،ڈیزل کی قیمت 67روپے فی لٹر بڑھی۔رواں ہفتے پٹرول تیسری اور ڈیزل چوتھی بار مہنگا کیا گیا
ہر دن نیا ریٹ، ہر دن نئی مشکل۔۔۔ہر صبح نئی قیمت سے عوام کی پریشانی میں اضافہ ہونے لگا،روزانہ بدلتی قیمتوں سے عوام کا صبر جواب دینے لگا،کہتے ہیں ،پٹرول اب روز بدلے گاتوگھر کابجٹ کیسے چلے گا؟
یہ بھی پڑھیں: سونے اور چاندی کی قیمتوں میں کمی
عوام نے کہا پہلے ہی مہنگائی کا طوفان ہے،حکومت کب تک عوام پر ظلم کرتی رہے گی ، پٹرولیم مصنوعات کی قیمتیں کم کر کے ریلیف فراہم کیا جائے ۔
