کنٹونمنٹ بورڈ کے ملازمین سول سرونٹس کی تعریف میں نہیں آتے،سپریم کورٹ

اسلام آباد ( پاک ترک نیوز) کنٹونمنٹ بورڈ کے ملازمین سول سرونٹس کی تعریف میں نہیں آتے،سپریم کورٹ نے فیڈرل سروس ٹریبونل کا 20 نومبر 2023 کا ملازم کی برطرفی کا فیصلہ کالعدم قرار دے دیا ۔
عدالتی فیصلے میں کہا گیا فیڈرل سروس ٹریبونل کے پاس کنٹونمنٹ بورڈ ملازمین کی اپیلیں سننے کا اختیار نہیں،سروس ٹریبونلز ایکٹ سے سیکشن 2 اے کے خاتمے کے بعد کنٹونمنٹ ملازمین فیڈرل سروس ٹربیونل سے رجوع نہیں کر سکتے، کنٹونمنٹ بورڈ ملازمین کے سروس معاملات پاکستان کنٹونمنٹ سرونٹس رولز 1954 کے تحت چلتے ہیں۔