واشنگٹن ( پاک ترک نیوز) امریکی طیارہ ساز کمپنی بوئنگ نے اعلان کیا ہے کہ اس کے جدید وائیڈ باڈی طیارے بوئنگ 777-9نے سرٹیفکیشن کے عمل میں ایک اہم ریگولیٹری مرحلہ کامیابی سے مکمل کر لیا ، جس سے 2026 میں طیارے کی باضابطہ منظوری کی راہ مزید ہموار ہوگئی۔
بوئنگ کمرشل ایئرپلینز کی صدر اور چیف ایگزیکٹو آفیسر نے برازیل میں ہونے والے اجلاس میں بتایا کہ امریکی ریگولیٹری ادارے نے بوئنگ 777-9کی منظوری دے دی ۔اس منظوری کے بعد طیارے کے سرٹیفکیشن پروگرام کا سب سے بڑا باقی ماندہ فلائٹ ٹیسٹنگ مرحلہ شروع کیا جا سکے گا۔
اسٹیفنی پوپ کے مطابق فیز 4B پروگرام کے لیے ایک اہم موڑ ثابت ہوگا کیونکہ اس سے باقی ماندہ فلائٹ ٹیسٹوں کا بڑا حصہ مکمل کرنے کی اجازت مل گئی ہے۔
بوئنگ حکام کا کہنا ہے کہ کمپنی 2026 کے اختتام تک 777-9کی مکمل سرٹیفکیشن حاصل کرنے کے ہدف پر قائم ہے، جبکہ پہلی کمرشل ڈیلیوری 2027 کے اوائل میں متوقع ہے۔
