اسلام آباد ( پاک ترک نیوز) حکومت نے موٹروے ایم فور کو تین رویہ کرنے کی منظوری دے دی، فیصلہ وفاقی وزیر عبدالعلیم خان کی زیرِ صدارت اجلاس میں کیا گیا۔
اجلاس میں نیشنل ہائی وے منصوبوں اور موٹروے انفراسٹرکچر کا جائزہ لیا گیا۔ وفاقی وزیر نے نیشنل ہائی وے اتھارٹی کو ہدایت کی کہ تعمیراتی کام شروع ہونے کے بعد ایم 4 موٹروے کی توسیع کا منصوبہ ایک ماہ کے اندر مکمل کیا جائے۔
عبدالعلیم خان نے این ایچ اے کویہ بھی ہدایت دی کہ تعمیراتی مدت کے دوران متبادل ٹریفک مینجمنٹ پلان پر سختی سے عمل درآمد کیا جائے تاکہ مسافروں کو کم سے کم پریشانی کا سامنا ہو۔ وفاقی وزیر عبدالعلیم خان نے فیصل آباد اور پنڈی بھٹیاں کے وسط میںمجوزہ سروس ایریا کو فوری طور پر اپ گریڈ کرنے کا حکم دیا۔۔
اجلاس میں یہ بھی فیصلہ کیا گیا کہ منصوبوں میں تاخیر یا لاگت میں اضافے کی صورت میں متعلقہ ٹھیکیداروں کو ذمہ دار ٹھہرایا جائے گا۔ جاری ترقیاتی منصوبوں کی نگرانی کے لیے این ایچ اے میں ایک مانیٹرنگ سیل قائم کرنے کی منظوری بھی دی گئی۔
موٹر وے ایم 4 کو تین رویہ کرنے کی منظوری
