پشاور ( پاک ترک نیوز) گلگت بلتستان اور خیبرپختونخوا کے عوام اور سیاحوں کے لیے بڑی خوشخبری۔شمالی علاقوں کی تقدیر بدلنے والا ایک عظیم منصوبہ سامنے آ گیا،ایسا موٹروے منصوبہ جو نہ صرف فاصلے سمیٹے گا بلکہ ترقی کے دروازے بھی کھول دے گا ۔
خیبر پختونخوا اور گلگت بلتستان کو ملانے کے لیے موٹر وے بنے گی ، منصوبہ مانسہرہ ،ناران ،کاغان ،بابو سر ٹاپ اور جھل کھڈ کو جوڑے گا ،منوصبہ جھل کھڈ ہائی وے کا متبادل راستہ ہو گا ، سفر کا فاصلہ سو کلو میٹر کم ہو جائے گا،منصوبہ پاکستان کے خوبصورت شمالی علاقوں تک رسائی کو بھی مزید آسان بنا سکتا ہے۔ مقامی لوگوں کا روز گار بھی بڑھے گا۔
گلگت بلتستان کے گورنر سید مہدی شاہ نے وفاقی وزیر مواصلات عبدالعلیم خان سے ملاقات میں نئے موٹر وے منصوبے پر تبادلہ خیال کیا ، ۔ وفاقی وزیر عبدالعلیم خان نے کہا کہ یہ موٹروے شاہراہِ قراقرم کا متبادل ثابت ہوگی ۔ سفر میں آسانی اور سیاحت کو فروغ ملے گا۔گورنر گلگت بلتستان سید مہدی شاہ نے محکمہ مواصلات سے متعلق مختلف مسائل کی نشاندہی کی جس پر وفاقی وزیر عبدالعلیم خان نے مکمل تعاون کی یقین دہانی کرائی اور بلتستان کی شاہراہوں پر ایمرجنسی سروسز 1122 کی فراہمی کا وعدہ کیا۔عبدالعلیم خان نے کہا کہ حکومت سیاحتی علاقوں میں سڑکوں کو مزید بہتر بنانا چاہتی ہے تاکہ زیادہ سے زیادہ سیاح آئیں جس سے مقامی آبادی کو روزگار اور کاروبار کے مواقع میسر آئیں گے
پاکستان میں ایک اور موٹر وے کا منصوبہ ،کون کون سے علاقوں سے نئی سڑک گزرے گی؟
