کراچی ( پاک ترک نیوز) انمول عرف پنکی کے موبائل فون کا ڈیٹا مل گیا ۔نیشنل سائبر کرائم انویسٹیگیشن ایجنسی سے پنکی کے موبائل فون ڈیٹا کی فرانزک رپورٹ تفتیشی افسر کو موصول ہو گئی۔
ذرائع کے مطابق انمول کے موبائل فون سے 1 سو جی بی سے زائد ڈیٹا ریکور کیا گیا، فون سے 75 ہزارامیجز بھی ریکور کئے گئے، ڈیٹا میں آن لائن ٹرانزکشنز، بینک سلپس کے سینکڑوں اسکرین شارٹس شامل ہیں ۔
ذرائع کے مطابق پنکی کے فون میں 13 ہزار سے لوگوں کے فون اور رابطے ری کور کیے گئے،انمول پنکی نے ایک ہی موبائل فون میں 2 واٹس ایپ کھول رکھے تھے،ایک واٹس ایپ موبائل فون نمبر پر جبکہ دوسرا بزنس اکاؤنٹ تھا۔پولیس حکام نے پنکی کا موبائل فون فرانزک کے لئے این سی سی آئی اے کو روانہ کیا تھا۔
