کراچی ( پاک ترک نیوز) آل پاکستان گڈز ٹرانسپورٹ اتحاد نے سندھ حکومت کے ساتھ مذاکرات ناکام ہونے کے بعد کل 8 اگست سے ملک گیر غیر معینہ مدت کی ہڑتال کا اعلان کر دیا ہ ۔
آل پاکستان گڈز ٹرانسپورٹ اتحاد کے صدر ملک شہزاد اعوان نے کہا کہ کمشنر کراچی آفس میں سندھ حکومت کے نمائندوں کے ساتھ ہونے والے مذاکرات کسی نتیجے پر نہیں پہنچ سکے۔ حکومت کو چارٹر آف ڈیمانڈ پیش کر دیا گیا ہے، تاہم حکومتی نمائندے مطالبات تسلیم کرنے میں سنجیدہ دکھائی نہیں دیتے۔
ملک شہزاد اعوان کا کہنا تھا کہ جب تک ٹرانسپورٹرز کے تمام مطالبات تسلیم نہیں کیے جاتے، ہڑتال جاری رہے گی۔ انہوں نے اعلان کیا کہ ہفتہ 8 اگست سے ملک بھر میں گڈز ٹرانسپورٹ کا پہیہ غیر معینہ مدت تک جام رہے گا۔
یہ بھی پڑھیں: لاہور ہائیکورٹ کا اہم فیصلہ: بینک صارفین کا خفیہ ڈیٹا بھی جائیداد قرار
کمشنر کراچی آفس میں ہونے والے مذاکرات میں کمشنر کراچی، سیکرٹری ٹرانسپورٹ، سیکرٹری ایکسائز، ڈی آئی جی ٹریفک، ڈی آئی جی ڈرائیونگ لائسنس اور دیگر اعلیٰ حکام نے شرکت کی، تاہم فریقین کے درمیان اتفاق رائے نہ ہو سکا۔
