پشاور(پاک ترک نیوز ) ضلعی انتظامیہ نے شہر میں ایک ہفتے کے لیے دفعہ 144 نافذ کر دی ہے، جس کا باضابطہ اعلامیہ بھی جاری کر دیا گیا ہے۔
اعلامیے کے مطابق دفعہ 144 کے تحت شہر میں کسی بھی قسم کے احتجاج، ریلی اور اجتماع کے انعقاد کی اجازت نہیں ہوگی، جبکہ پانچ یا اس سے زائد افراد کے ایک جگہ جمع ہونے پر بھی پابندی عائد کی گئی ہے۔
ضلعی انتظامیہ نے واضح کیا ہے کہ دفعہ 144 کی خلاف ورزی کرنے والوں کے خلاف سخت قانونی کارروائی عمل میں لائی جائے گی۔
شہر میں امن و امان برقرار رکھنے کے لیے جاری کیے گئے اس حکم نامے کا اطلاق ایک ہفتے تک ہوگا۔
