راولپنڈی(پاک ترک نیوز ) پاکستان اور برازیل نے دفاعی تعاون کو مزید مضبوط بنانے پر اتفاق کیا ہے۔ آئی ایس پی آر کے مطابق برازیل کے اعلیٰ سطح کے فوجی وفد نے جی ایچ کیو راولپنڈی کا دورہ کیا، جہاں وفد کے سربراہ اور برازیل کے چیف آف جوائنٹ چیفس آف اسٹاف ایڈمرل ریناٹو روڈریگز ڈی اگویار فریرے نے چیف آف آرمی اسٹاف و چیف آف ڈیفنس فورسز فیلڈ مارشل عاصم منیر سے ملاقات کی۔
آئی ایس پی آر کے مطابق برازیلی فوجی وفد کی قیادت ایڈمرل ریناٹو روڈریگز ڈی اگویار فریرے نے کی۔ جی ایچ کیو آمد پر برازیل کے اعلیٰ فوجی عہدیدار کو پاکستان کی تینوں مسلح افواج کے دستے نے گارڈ آف آنر پیش کیا۔
ملاقات میں پاکستان اور برازیل کے درمیان دفاعی تعاون کو مزید فروغ دینے اور باہمی تعلقات مضبوط بنانے کے امور پر تبادلۂ خیال کیا گیا۔
آئی ایس پی آر کے مطابق دونوں ممالک نے دفاعی تعاون کو مزید مضبوط بنانے کے عزم کا اظہار کیا۔
