پشاور ( پاک ترک نیوز) خیبرپختونخوا کے سابق وزیراعلیٰ سہیل آفریدی کی گرفتاری کی مبینہ فوٹیج منظرِ عام پر آگئی، جس میں پولیس اور سکیورٹی اہلکار انہیں اپنے ساتھ لے جاتے دکھائی دے رہے ہیں۔ مبینہ فوٹیج میں سہیل آفریدی کے ہاتھ پیچھے بندھے ہوئے بھی دکھائی دیتے ہیں۔پولیس حکام نے سہیل آفریدی سمیت 8 افراد کو وزیراعلیٰ ہاؤس سے حراست میں لینے کی تصدیق کی ہے۔خیبرپختونخوا پولیس کے مطابق صوبے میں ایمرجنسی اور گورنر راج کے نفاذ کے بعد پاکستان تحریک انصاف کے 8 اہم رہنما پولیس کی حفاظتی تحویل میں ہیں۔
یہ بھی پڑھیں: بیرونِ ملک پاکستانیوں کی ترسیلاتِ زر میں 14 فیصد اضافہ
حراست میں لیے گئے رہنماؤں میں سابق وزیراعلیٰ سہیل آفریدی، خیبرپختونخوا اسمبلی کے اسپیکر بابر سلیم سواتی اور تحریک انصاف کے صوبائی صدر جنید اکبر سمیت دیگر رہنما شامل ہیں۔
