ترکیہ نے برطانیہ سمیت پانچ ملکوں سے 15مطلوب افراد حاصل کر لئے

انقرہ (پاک ترک نیوز)
ترکیہ کے وزیر داخلہ علی یرلیکایا نے اعلان کیا ہے کہ انٹرپول کے ریڈ نوٹس پر مطلوب تیرہ اور ترکی کی قومی مطلوب فہرست میں شامل دو مشتبہ افراد کو پانچ ممالک سےحاصل کیا گیا ہے۔
پیر کے روز اپنے بیان میں وزیر داخلہ نے کہا ہے کہ 15 افراد کو جارجیا، یونان، برطانیہ، شمالی مقدونیہ اور جرمنی سے پکڑ واکر واپس لایا گیا۔
انہوں نے کہا کہ مشتبہ افراد جن میں سے سبھی مختلف مجرمانہ الزامات میں مطلوب تھے کا پتہ انٹرپول ڈیٹا بیس ترکی کے قانون نافذ کرنے والے ریکارڈ، سوشل میڈیا اور اوپن سورس انٹیلی جنس کے تجزیہ کے ذریعے لگایا گیا تھا، جو کہ منظم جرائم، انٹیلی جنس، منشیات، انسداد دہشت گردی، تارکین وطن کی سمگلنگ اور سایبر کرائم سمیت دیگرمجرمانہ سرگرمیوں میںمطلوب تھے۔ انہوں نے اس ضمن میں انٹرپول اور متعلقہ ملکوں کے داخلہ و سیکورٹی کے محکموں کے تعاون پر انکا شکریہ بھی ادا کیا۔