انقرہ ( پاک ترک نیوز) ترکیہ کے وزیر خارجہ حاقان فیدان نے نائب وزیراعظم اور وزیر خارجہ اسحاق ڈار کو رواں ماہ استنبول میں ہونے والے اہم اجلاس میں شرکت کی دعوت دے دی۔ اجلاس میں پاکستان، ترکیہ، سعودی عرب اور مصر کے وزرائے خارجہ شرکت کریں گے۔ اسحاق ڈار نے دعوت قبول کرتے ہوئے اجلاس میں شرکت کی تصدیق کردی ہے۔ چاروں ممالک کے وزرائے خارجہ اجلاس میں خطے کی تازہ صورتحال، امن و استحکام کے فروغ اور علاقائی تعاون پر تبادلہ خیال کریں گے۔
یہ بھی پڑھیں: اسحاق ڈار اور ترک وزیر خارجہ حاقان فیدان میں ٹیلیفونک رابطہ
ترکیہ کے وزیر خارجہ حاقان فیدان نے نائب وزیراعظم اور وزیر خارجہ محمد اسحاق ڈار سے ٹیلی فون پر رابطہ کیا۔دونوں رہنماؤں نے خطے میں ہونے والی تازہ پیش رفت پر تبادلہ خیال کیا اور علاقائی امن و استحکام کے فروغ کی کوششوں پر بھی بات چیت کی۔ترک وزیر خارجہ حاقان فیدان نے اسحاق ڈار کو رواں ماہ استنبول میں ہونے والے پاکستان، ترکیہ، سعودی عرب اور مصر کے وزرائے خارجہ کے اجلاس میں شرکت کی دعوت دی۔اسحاق ڈار نے دعوت قبول کرتے ہوئے اجلاس میں شرکت کی تصدیق کردی۔اجلاس کی حتمی تاریخ تاحال واضح نہیں کی گئی، تاہم یہ رواں ماہ استنبول میں ہوگا۔
